تقول أمــي إذآ ودّك تشوف آلخير قدآمك ~
تبسّم وآبتسم وآضحك بوجه آللي يعآدونك ..!
وآقول آلخير يآ يمّـه آشوفـه جنّـه آقدآمك ~
فدآك آلضحك وآلبسمـه وفدآك آلكل لعيونك .. /*
نصيحة مني اقرؤها والله كلمات ولا أروع
السسسلام عليكم ورحمة الله وبركاته
إلى كل من عندها هم يثقله
معطل حياته
كارهه لأجله دنياها
أقوله وأقول لنفسي قبله
محد بالدنيا يستاهل !!
ولا شي بالدنيا يستاهل
الدنيا ماتساوي جناح بعوضه
انت ومشاكلك واحزانك وافراحك وبلاويييييك كله ما يساوي جناح بعوضه
محد يستاهل اصيح عشانه ولحد يستاهل احزن عشانه واوقف حياتي لعيونه
الدنيا ياجماعه فاانيه
يعني بيوم من الأيام بموت وبيحطوني بالقبر
وبنسأل
وش بقول
وش بقول ؟؟
انت يارب بليتني وانا كانت عندي بلاوي عشان كذا ماطعتك
يارب كانت عندي مشاكل وتعطلت حياتي وقعدت مثل الغبي اصيح عليها
ياجماعه الدنيا تمشي
وإذافي توقف
فهو احنا اللي واقفين
القي كل همومك ورا ظهرك وخلي شعارك
محد بالدنيا يستاهل
الدنيا حقيييره ياجماعه
احتسب كل بلاء عند رب العالمين
واحمد ربك على كل نعمه انت عايشها
حنا في نعمه والله مو حاسين
الناس ..!!
الناس عاملهم بذوق وإسلوب .. وزي ما علمتك امك من يومك صغير
سو خير .. سوي خيييير ولا تنتظرين رد من احد
او اعتبار من احد .. اذا بتسويه سوه لنفسك .. لك إنت عشان تعيش مرتاح
ما تنام وتقول زعل فلان وضايق فلان
وترا الدنيا دواره كما تدين تدان .. ربي ما ينسى ظلم !!
طنش طنش طنش ..!!
فلانه تحش فيك فلانه تتكلم فلانه ما تحبك ..!!
خليها حلالها .. هو احسن بعد خففت علي ذنوبي .. وعطتني من حسناتها
تعلم التطنيش والبرود وتوقع انك تنصدم .. وكل ما انصدمت بأحد كل ما صرت اقوى
كل ما صارت تجاربك وخبرتك الاجتماعيه أحسن وأحسن ..
انرمت عليك كلمه .. عادي ولا كأنك سمعت .. ان دل يدل على قلة ذوقه وتهذيبه ..
كشر بوجهك .. ابتسم !!
واذا رفع صوته .. وطي صوتك .. !
واذا اتجنبك .. تجاهل وجوده ...
"وترا ما طاح من النجوم اخف للسمـا "
دموعك !!
دموعك ومشاعرك تراها اهم واغلى شي عندنا "احنا البنات " وهي الي تتحكم بنفسيتنا وأفعالنا..
حب نفسك ، حب نفسك ، حب نفسك ، ودلعها ..!! عشان تعيش
مرتاح...
خلي قلبك لك .. لا صديق ولا قريب ولا اي احد يستاهله .. حب الناس بعقلك مو بقلبك عشان ترتاح بحياتك ..
نحبهم !! ليش نحبهم في الاخير الي يبوكنا وهم مصدر تعاستنا وحزننـا !!
لا تبكي على احد ابداً ابداً مين ما كان ..!!
صدقني لو كانوا يستاهلون كان ما خلوك تبكي ولا تحزنن ولا تتضآيق ..
ولا خلوا مجال دمعه وحده تنزل من عينك
العافيــه !!
كافي انك تمشي وتحرك يدينك ورجولك
مافكرت يوم تقول الحمدلله !!
يارب اني أمشي مو أتسحب من كرسي لسرير وأشوف نظرات الشفقه تحرقني
احمد ربك على كل نعمه انت فيها .. الحمدلله !!
المال ..!
تاكل تشرب تشتري تتسوقي تلعب بالفلوس بيدينك ورجولك عايش بأمن وأمان
وتقول يارب وش هالدنيا الغثا
فلان ضيقت صدري وعلان سوى
أنا ما أبي الدنيا كرهت العالم ابي اموت !
مره وانا في السوق واحد وأمه اشكالهم جدن مبهذله و واقفين عند محل سينبون
ويطالعون بالحلى الي عارضينه وبس يتفرجون وطولوا وهم بس يطالعون فيه .. طلع الولد كل الي معاه والام طلعت الي معها
كله على بعضه ما جا 4 ريال !!!
تخيوا سأل الولد الي يبيع اذا فيه شي من السينبون الي عارضينه بأربع ريال قاله لاء يا دوب تشتري فيهم مويه
شفت في عينه نظرة انكسار وبوؤس مو طبيعيه لا هو ولا امه
شي يبكي ويعور القلب!!
احمد ربك عشان ما يسلب نعمته عنك
وصل لك ركعتين عشان ربي يرحمك
ويرفع عنك ضره
احمد ربك على العافيه والله اني كنت يوم من الأيام ضااايق صدري من موقف صار لي مع استاذة في الجامعه
وأنا أمشي كارهه الدنيا
وكان في قدامي ثنتين أشوفهم يتكلمون بس اللي لاحظته إن حركة إيدينهم كثيره ومو طبيعية !!
يوم قربت اكتشفت إنهم ثنتينهم
صم و بكم !!
ما يتكلمون
بنات صغار عمرهم اقل من عشرين والدنيا قدامهم مايتكلمون
محد يفهملهم
والله اني استحقرت همي ونفسي
قلت يارب انت انعمت علي انا كل يوم اتكلم مع أهلي
هُم مـآيقدرون
أنا إذا بغيت أصرخ صرخت
هُم مـآيقدرون
أنا أسولف مع صاحباتي والناس أضحك .. أبكي .. أنكت .. أتعرف على كل الناس .. أتكلم مع أمي أبوي
هُم مـآيقدرون
كل يوم لساني أحركه مليون مره وما عمري قلت الحمدلله ياربي إني أتكلم
إيش كنت أقول
أنا ضايقه ولحد يكلمني
مالي خلقكم
ولحد حاس فيني
والله ولا شي ولا احد بالدنيا يستـــاهل همي !!
إذا عندك هم صل ركعتين واطلب ربك يفرجها
لاتذل نفسك لخلقه
ترى كلهم ضعاف
ما راح يسوون لك شي
واحتسب الأجر
احمد ربك حتى على البلاء
ان ربي بيكفر لك به ذنوبك
اللي يشوف أهل البلاء يوم القيامه يتمنى ان جسده قرض بالمقاريظ
حنا المرض الخفيف ما نتحمله
احمد ربك على كل بلاء
لأنه خير والله لك
وانت اللي في النهايه بتلاقيه حسنات
ولأن الدنيا ماااشيه
وبتنتهي بيوم من الأيام
ومرح تبقى كل النعم اللي اليوم انت تطولها
مرح يبقى إلا عملك
حنا ياجماعه همومنا موقفتنا عن كل شي
ماعندنا غير نندب حظنا
وعملنا
ودينا
ماسوينا شي
ياجماعه أنصح نفسي قبلكم لأني الله يعلم بتقصيري !
وقلة صبري ..!!
وضعفي ..!!!
نبي كل شي لنا وإذا نقصنا شي
تركنا كل اللي عندنا وقعدنا ننوح طول حياتنا على الناقص
إذا ارتفعت حرارتي ماتحملت وقعدت أصيح طول الليل
و بلال كان يضرب بالصخرة العظيمه الحاره بصحراء مكه
وهو يقول
أحــــــــــــدٌ أحــــــــــــــــد
وش له من الأجر عندالله
ياجماعه فكروا بس وش سويتوا ؟
وشو البلاء العظيم اللي مريت فيه واللي بيكفر لك ذنوبك ؟
هذا طبعاً إذا احتسبت الأجر وماكسبت زيادة سيئات بالقنوط
وسوء معاملتك لاهلك والناس !
إنتي عندك مشكله مع زوجك؟
بلاء في واحد من عيالك؟
مشكله مع صديق؟
ابتلاء في أمك وخواتك؟
عندك أب أو زوجه أو أخ
ظالم؟
عندك ابن أو أخ هايت ضايع حارق لك قلبك ؟
مشكله مع زميلة دراسه_عمل؟
حالتك المادية سيئه؟
فيك مرض مزمن خطير؟
أقول في كلا الأحوال احمد ربك إنك مو في فلسطين ولا العراق
عرضك مستباح
دمك مستباح
تصبح وتنام خايف تعد عيالك واخوانك قبل يفجعك الصبح الثاني
بواحد منهم
احمد ربك إذا أصابك واحد من هالإبتلاءات إن ربي رفع عنك بقيتهم
إذا أصبت بالتهاب في الحلق فاحمد الله أنك لم تصاب بسرطان في البلعوم
وإذا أصبت بمرض في القلب فاحمد الله أنك لم تصاب بمرض القلوب الأعظم ( الكفر )
وإذا أصبت بمرض في عينيك فاحمد الله أنك لم تصاب بالعمى
حنا في نعمه
ليه نجحدها؟
ليه ننكرها؟
ونخلي ربنا يسخط علينا
ربي رحيم
كريم
يعطي ويداه مبسوطتان
وحنا
نشكي لفلان وعلان
محد بينفعك
وإن نفعوك فإن ربي هو اللي يسّر لهم !
في الثلث الأخير من الليل كل يوم ربي ينزل للسما الدنيا ويقول
هل من داع فأستجيب له
كل يوم ياجماعه
كل يوم
وحنا كل يوم
وش نسوي!
فكر بجد
قاعد على النت
ولا تسولف مع صديقك عالمسن!
ولا تلفزيون ولا فيلم ..
ولا نااااايم
وربك العظيم جل جلاله نازل يسمع مطالب عبده
ربي مايرد إيدينك إن رفعتها
ربك كريم
عندك مشكله؟
هو ملاذك
اشكي لــــه
كل شي
مشاكلك الكبيره والصغيره
الصحابه كانو يسألون الله حتى في شراك النعل!!
وربي إن ما أجاب دعوتك ألحين
بيثيبك على دعاؤك
وبتاخذ أجر من إيش؟ مجرد سؤال
وبيبرد على قلبك
ربي ما بلاك إلا لأنه يحبك
ربك قدير يقدر يبلي فلان من الناس وفلان
لكن
اختارك انت
ليه؟
يبي ينكد حياتك؟
لاوالله لأنه يحبك
ربك يحبك
في أحلى شعور من هذا =') !!
بلاءك مايزيد من ملكه شي سبحانه
ولا ينفعه بشئ
ينفعك انت
ربك يحبك
يبي يجمع لك رصيد
تلقاه بعدين
ربك هو اللي بلاك ماتستحي تشكي لغيره ؟
وتعصيه وهو أكرمك بابتلائه؟
أسأل الله أن يرفع عن كل قارئه كربها ويفرج لها كل ضيقه ويفتح على قلبه ويهديه وييسر أمره ويكشف ضره إنه سميع سبحانه مجيب الدعاء
إن رباً كفاك ماكان بالأمس
سيكفيك في غدٍ ما يكون
السبت أكتوبر 16, 2010 4:48 pm
